നിവിന്‍പോളിയെ നായകനാക്കി വിനീത് ശ്രീനിവാസന്‍ സംവിധാനം ചെയ്ത ചിത്രമായിരുന്നു ജേക്കബ്ബിന്റെ സ്വര്‍ഗരാജ്യം.
ചിത്രത്തിലേക്ക് സംവിധായകനും നിര്‍മാതാവുമൊക്കെയായ അന്‍വര്‍ റഷീദിനെ കാസ്റ്റ് ചെയ്തതിനെ കുറിച്ച് സംസാരിക്കുകയാണ് വിനീത് ശ്രീനിവാസന്‍.
മുരളി മേനോന്‍ എന്ന കഥാപാത്രത്തിനായി അന്‍വര്‍ റഷീദിനെ സമീപിച്ചിരുന്നെന്നും എന്നാല്‍ അദ്ദേഹം തയ്യാറായില്ലെന്നും വിനീത് പറഞ്ഞു. പിന്നീട് അതേ വേഷത്തിലേക്ക് ആഷിഖ് അബുവിനേയും ഗൗതം വാസുദേവ് മേനോനേയും സമീപിച്ചിരുന്നെന്നും വിനീത് പറഞ്ഞു.
അഷ്ടമുടിക്കായലിന്റെ നടുക്ക് വഞ്ചിയില്‍ തുഴയാനറിയാത്ത ഞാനും നീന്തലറിയാത്ത ലിജോമോളും: ബേസില്‍
‘ ഞാന്‍ ജേക്കബ്ബിന്റെ സ്വര്‍ഗരാജ്യത്തിലേക്ക് അന്‍വര്‍ക്കയെ ട്രൈ ചെയ്തിരുന്നു. മുരളി മേനോന്‍ എന്ന കഥാപാത്രത്തിലേക്ക്. അന്‍വര്‍ക്കയെ ആണ് ഞാന്‍ ആദ്യം വിളിക്കുന്നത്. അദ്ദേഹം ചെയ്യൂലെന്ന് പറഞ്ഞു.
പിന്നെ ആഷിഖേട്ടന്റെ അടുത്ത് പോയി കഥ പറഞ്ഞു. ആഷിക്ക ആ സമയത്ത് മഹേഷിന്റെ പ്രതികാരത്തിന്റെ പ്രൊഡക്ഷന്‍ ചെയ്യുന്ന സമയമായിരുന്നു. ഈ സമയത്ത് പറ്റൂല വിനീതേ എന്ന് പറഞ്ഞു.
പിന്നെ ഗൗതം മേനോന്‍ സാറിനെ വിളിച്ചു. അദ്ദേഹം ചെയ്യാമെന്ന് പറഞ്ഞു. ലാസ്റ്റ് സമയം അദ്ദേഹത്തിന് വരാന്‍ പറ്റാതെയായി. അവസാനം അത് അശ്വിന്‍ കുമാറിലേക്ക് എത്തി.
പക്ഷേ ഫസ്റ്റ് ഞാന്‍ ആലോചിച്ചത് അന്‍വര്‍ക്കയെ ആയിരുന്നു. അന്‍വര്‍ക്ക ഇതുവരെ അഭിനയിച്ചിട്ടില്ല. കോളേജില്‍ പഠിക്കുന്ന സമയത്തൊക്കെ അഭിനയിച്ചിട്ടുണ്ട്.
കല്യാണമാണ്, കയ്യില്‍ അഞ്ച് പൈസയില്ല, ദൈവ ദൂതനെപ്പോലെ ആ നടന്റെ കോള്‍ : ദീപക് പറമ്പോല്‍
ഞാന്‍ ചാപ്പയിലൊക്കെ വര്‍ക്ക് ചെയ്യുന്ന സമയത്ത് സമീര്‍ക്ക പറഞ്ഞു കേട്ടിട്ടുണ്ട് അന്‍വര്‍ക്ക കിടിലന്‍ ആക്ടര്‍ ആണെന്ന്. പിന്നെ അദ്ദേഹത്തിന്റെ പേഴ്‌സണാലിറ്റി ഭയങ്കര അടിപൊളിയാണ്.
നമ്മള് ഒരു കൂട്ടുകാരനെ കൂട്ടി അദ്ദേഹത്തെ പോയി കണ്ട് സംസാരിച്ചാല്‍ അതേ കൂട്ടുകാരനെ പിന്നെ എവിടെയെങ്കിലും കണ്ടാല്‍ അദ്ദേഹം അങ്ങോട്ട് പോയി സംസാരിക്കും. എനിക്ക് അങ്ങനെ അനുഭവം ഉണ്ടായിട്ടുണ്ട്.
എല്ലാവരും പരിഗണിക്കുക എന്ന് പറയുന്ന ഒരു കാര്യമുണ്ടല്ലോ. അത് ഉള്ളില്‍ നിന്ന് വരുന്നതാണ്,’ വിനീത് പറഞ്ഞു.
പൊന്മാനില്‍ എന്നെ എക്‌സൈറ്റ് ചെയ്യിച്ചത് അതു മാത്രമാണ്: ലിജോമോള്‍ ജോസ്
അന്‍വര്‍ എന്ന സിനിമ അന്‍വര്‍ റഷീദിനെ നായകനാക്കി അമല്‍നീരദ് പ്ലാന്‍ ചെയ്ത സിനിമയായിരുന്നെന്നും അദ്ദേഹം തയ്യാറാവാതിരുന്ന ഘട്ടത്തിലാണ് പൃഥ്വിരാജിലേക്ക് എത്തിയതെന്നും അടുത്തിടെ നടന്‍ സൗബിന്‍ ഷാഹിര്‍ പറഞ്ഞിരുന്നു.
കിടിലന്‍ ആക്ടറാണ് അന്‍വര്‍ റഷീദെന്നും പക്ഷേ അദ്ദേഹത്തിന് എന്നും ക്യാമറയ്ക്ക് പിന്നില്‍ നില്‍ക്കാനാണ് താത്പര്യമെന്നുമായിരുന്നു സൗബിന്‍ പറഞ്ഞത്.
Content Highlight: Vineeth Sreenivasan about Anwar Rasheed
