വിനീത് ശ്രീനിവാസന്‍ നായകനായെത്തുന്ന റൊമാന്റിക് കോമഡി എന്റര്‍ടെയ്‌നറാണ് ‘ഒരു ജാതി ജാതകം’. വിവാഹിതനാകാന്‍ ആഗ്രഹിച്ചു നടക്കുന്ന ചെറുപ്പക്കാരന്റെ വേഷത്തിലാണ് വിനീത് ചിത്രത്തിലെത്തുന്നത്.
ബാബു ആന്റണി, ഗായകന്‍ വിധു പ്രതാപ്, പി.പി.കുഞ്ഞിക്കണ്ണന്‍, നിര്‍മ്മല്‍ പാലാഴി, അമല്‍ താഹ, മുദുല്‍ നായര്‍ എന്നിവരും ഈ ചിത്രത്തിലെ പ്രധാന താരങ്ങളാണ്.
ബാബു ആന്റണി ഒരു പ്രധാന കഥാപാത്രത്തെയാണ് ചിത്രത്തില്‍ അവതരിപ്പിക്കുന്നത്. ബാബു ആന്റണിയുമൊത്തുള്ള അഭിനയത്ത കുറിച്ച് സംസാരിക്കുകയാണ് വിനീത് ശ്രീനിവാസന്‍.
ബാബു ആന്റണിയുമൊത്തുള്ള അഭിനയം താന്‍ എന്‍ജോയ് ചെയ്തു എന്ന് പറയാന്‍ പറ്റില്ലെന്നും അതിനൊരു കാരണമുണ്ടെന്നും വിനീത് ശ്രീനിവാസന്‍ പറയുന്നു.
വാഴയ്ക്ക് പിന്നാലെ മമ്മൂട്ടി കമ്പനിയില്‍ നിന്ന് കോള്‍, കഥ പോലും കേട്ടില്ല: മീനാക്ഷി
‘ഇതില്‍ ഒരു പുതിയ സംഗതി അദ്ദേഹം ട്രൈ ചെയ്തിട്ടുണ്ട്. എനിക്കായിരുന്നു അദ്ദേഹത്തിന്റെ കൂടെ കൂടുതല്‍ കോമ്പിനേഷന്‍ സീനുകള്‍ ഉണ്ടായിരുന്നത്.
ഞാന്‍ ഭയങ്കരമായി എന്‍ജോയ് ചെയ്തു എന്നും പറയാന്‍ പറ്റില്ല. കാരണം ഞാന്‍ അതിന് മുന്‍പ് ഇങ്ങനെ ഒരു സീന്‍ ചെയ്തിട്ടില്ല, ബാബു ചേട്ടനും ചെയ്തിട്ടില്ല.
അങ്ങനെ ഒരു പ്രത്യേക കോമ്പിനേഷന്‍ സീന്‍ ഞങ്ങള്‍ തമ്മിലുണ്ട്. ചില ആകസ്മികമായ മുഹൂര്‍ത്തങ്ങളാണ്. ഫൈറ്റ് രംഗങ്ങളല്ല. ഇപ്പോള്‍ അതിനെ കുറിച്ച് പറയാന്‍ ബുദ്ധിമുട്ടുണ്ട്,’ വിനീത് പറയുന്നു.
ഞാന്‍ സംവിധാനം ചെയ്ത ചിത്രങ്ങള്‍ എല്ലാം കള്ളക്കഥകള്‍; അതിനൊരു കാരണമുണ്ട്: ബേസില്‍ ജോസഫ്
അരവിന്ദന്റെ അതിഥികള്‍ എന്ന ചിത്രത്തിനുശേഷം വിനീത് ശ്രീനിവാസനെ നായകനാക്കി എം.മോഹനന്‍ സംവിധാനം ചെയ്യുന്ന ചിത്രമാണ് ഒരു ജാതി ജാതകം.
തിരക്കഥ രാകേഷ് മണ്ടോടി. ഗാനങ്ങള്‍ മനു മഞ്ജിത്ത്. സംഗീതം ഗുണസുബ്രഹ്‌മണ്യം. ഛായാഗ്രഹണം വിശ്വജിത് ഒടുക്കത്തില്‍. എഡിറ്റിങ് രഞ്ജന്‍ ഏബ്രഹാം.
Content Highlight: Vineeth Sreenivasan about his combination scene with Babu Antony
