ഇതുവരെ ചെയ്തവയില്‍ വൈകാരികമായി വളരെ അടുപ്പം തോന്നിയ കഥാപാത്രത്തെ കുറിച്ച് സംസാരിക്കുകയാണ് നടി ഗ്രേസ് ആന്റണി.
ഒപ്പം ചുറ്റുമുള്ളവരെ നിരീക്ഷിച്ച് അവരുടെ മാനറിസങ്ങളെ തന്റെ കഥാപാത്രത്തിലേക്ക് സന്നിവേശിപ്പിക്കുന്നതിനെ കുറിച്ചും താരം സംസാരിച്ചു.
‘ ഇതുവരെ ചെയ്തവയില്‍ വൈകാരികമായി വളരെ അടുപ്പം തോന്നിയ കഥാപാത്രം ഹലാല്‍ ലൗ സ്‌റ്റോറിയിലെ സുഹ്‌റയാണ്.
പതിയെപ്പതിയെയാണ് ആ കഥാപാത്രത്തിലേക്ക് കയറിയത്. പക്ഷേ കയറിക്കഴിഞ്ഞപ്പോള്‍ പുറത്തേക്ക് വരാന്‍ കുറച്ച് പ്രയാസപ്പെട്ടു.
ഞാനിപ്പോള്‍ സിനിമകള്‍ തിരഞ്ഞെടുക്കുന്നതില്‍ വരെ അക്കാര്യം പ്രതിഫലിക്കുന്നുണ്ട്: ആസിഫ് അലി
ആളുകളെ നിരീക്ഷിക്കാന്‍ ചെറുപ്പം മുതലേ എനിക്ക് വലിയ ഇഷ്ടമാണ്. ചുറ്റുപാടും കാണുന്നവരെ വീട്ടില്‍ വന്ന് അനുകരിച്ചു നോക്കാറുണ്ടായിരുന്നു.
ചുറ്റും കണ്ണോടിച്ചാല്‍ ഒരുപാട് കാര്യങ്ങള്‍ നമുക്ക് ലഭിക്കും. അങ്ങനെ പലപ്പോഴായി നിരീക്ഷിച്ച മനുഷ്യരെ അവരുടെ മാനറിസങ്ങളെ എല്ലാം അനുയോജ്യമായ കഥാപാത്രങ്ങള്‍ ലഭിക്കുമ്പോള്‍ ഞാന്‍ അതിലേക്ക് സന്നിവേശിപ്പിക്കാറുണ്ട്.
പ്രേക്ഷകര്‍ക്ക് എളുപ്പത്തില്‍ അത്തരം കഥാപാത്രങ്ങളെ റിലേറ്റ് ചെയ്യാന്‍ പറ്റും. ഉദാഹരണത്തിന് കുമ്പളങ്ങി നൈറ്റ്‌സിലെ സിമി എന്നേക്കാള്‍ മുതിര്‍ന്ന സ്ത്രീയായിരുന്നു. ആ കഥാപാത്രം ചെയ്യുന്ന സമയത്ത് എന്റെ അമ്മ, ആന്റിമാര്‍ എന്നിവരെയെല്ലാം നിരീക്ഷിച്ചാണ് മാനറിസങ്ങള്‍ രൂപപ്പെടുത്തിയത്.
ചെയ്തുകഴിഞ്ഞപ്പോള്‍ ആളുകള്‍ ഇതെങ്ങനെ സ്വീകരിക്കുമെന്നായിരുന്നു പേടി. പ്രിവ്യൂ കണ്ട് ആള്‍ക്കാരെല്ലാം അഭിനന്ദിച്ചപ്പോഴാണ് സന്തോഷമായത്,’ ഗ്രേസ് ആന്റണി പറഞ്ഞു.
Content Highlight: Actress Grace Antony About Her Movies and most Favourite Character
